na jaane q chup reh ke
kaafi kuch bolna chahta hoon main
na jaane q aankhein kholkar
ek umra tak sona chahta hoon main
na jaane kya bechaini
na jaane kya saazish hai
na jaane mere is dil ki
kaunsi si ye adhuri khwaish hai
na jaane q lagta hai aisa
ki samundar ko bhi
apni aankho mein chupa lunga
na jaane q lagta hai aisa
ki uske paani ki ek boond
bhi bahar na jaane dunga
na jaane kis raah pe
badhta chala jaa raha hoon main
na jaane kis mod par
apna ghar bana raha hoon main
na jaane ye talsash rukegi kaahan
jaanta hoon, toh bas itna
ki chalta chalunga
jab tak pair na thake
chalta chalunga jab tak
ye saans na रुके
-- Abhishek Shrivastava
